Bilimingizni
AI Tajribasi
Bilan Oching

Azizbek Abdumalikovich Egamberdiyev — falsafa fanlari doktori, professor. U ko'p yillar davomida yoshlarning shaxs sifatida shakllanishi, ijtimoiy tanlovlari va hayotiy yo'lini belgilash jarayonlarini ilmiy jihatdan tadqiq qilib keladi. Ammo MyProLab g'oyasi faqat akademik izlanishlar mahsuli emas — u, avvalo, bir otaning shaxsiy hayotiy tajribasidan kelib chiqqan.

O'g'lining voyaga yetish davriga kirishi, o'zini izlay boshlashi va kelajak kasbini tanlashda qiynalayotgani professorni chuqur o'ylantirdi. Maktabda yomon o'qimasligi, qobiliyati borligi ayon bo'lsa-da, "Men kim bo'laman?", "Qaysi kasb menga mos?" degan savollar aniq javobsiz qolardi. Ota sifatida u tasodifiy maslahatlar, yuzaki testlar yoki faqat ota-ona xohishiga asoslangan qarorlar bolaning kelajagi uchun yetarli emasligini aniq tushundi.

Shu nuqtada muammo shaxsiy holatdan kengroq — ilmiy va amaliy masalaga aylandi. Nega bolalar o'z qobiliyatini chuqur bilmasdan turib kasb tanlashi kerak? Nega maktab, ota-ona va mutaxassislar bir xil, ishonchli ma'lumotga tayana olmaydi? Nega kasb tanlash jarayoni tizimli, tushunarli va ilmiy asoslangan bo'lishi shart emasdek ko'riladi?

MyProLab ana shu savollarga javob sifatida yaratildi. Bu platforma bolani "qaysi kasb mashhur?" degan savoldan ko'ra, "men nimaga moyilman, nimalarni yaxshi bajara olaman va qaysi muhitda o'zimni barqaror his qilaman?" degan muhim savolga olib keladi. Tizim o'quvchining kasbiy qiziqishlari, shaxsiy xususiyatlari va ichki salohiyatini kompleks tahlil qiladi hamda natijani sodda, aniq va amaliy shaklda taqdim etadi.

MyProLab'ning asosiy ustunligi shundaki, u bolani majburlamaydi va tayyor qarorni tiqishtirmaydi. Aksincha, bolaga o'zini anglash imkonini beradi. Ota-onalar uchun bu — farzandi haqidagi qarorlarni faqat hissiyot bilan emas, balki aniq tahliliy ma'lumot asosida qabul qilish imkonidir. Maktab va pedagoglar uchun esa kasbga yo'naltirish jarayonini formal tadbirdan real rivojlanish mexanizmiga aylantiradi.

MyProLab — bu bir ota, bir olim va bir fuqarolarning jamiyat oldidagi mas'uliyatidan tug'ilgan tizimdir. U minglab bolalarga o'z yo'lini erta anglashga, minglab oilalarga esa kelajak bo'yicha ishonchli qaror qabul qilishga xizmat qiladi.